यांत्रिक अवजारांसाठी सरकारी योजना
राष्ट्रीय फलोत्पादन अभियानांतर्गत
यांत्रिकीकरणावर भर दिला आहे. या अंतर्गत शेतकरी, उत्पादक संघ तसेच सार्वजनिक
क्षेत्रातील संस्थांना अवजारे, उपकरणे व संयंत्रे अनुदानावर उपलब्ध करून दिले
जातात.
योजनेच्या प्रमुख अटी :
● लाभार्थींच्या नावे शेतजमीन असावी,
त्यांच्या
नावे 7/12 व 8-अ चा उतारा असणे आवश्यक आहे.
● 7/12 उताऱ्यावर फलोत्पादन पिकांची नोंद
किंवा मंडळ कृषी अधिकारी यांचे फलोत्पादन पीक लागवडीचे प्रमाणपत्र असणे आवश्यक.
● योजना राबविताना अनुसूचित जाती (16 टक्के), अनुसूचित जमाती (8 टक्के) आदिवासी महिला (30 टक्के) लहान शेतकरी आदीना
प्राधान्याने नियमाप्रमाणे लाभ दिला जातो.
● लाभार्थी- वैयक्तिक शेतकरी, नोंदणीकृत फलोत्पादन संघ, शेतकऱ्यांची नोंदणीकृत उत्पादक कंपनी.
● फलोत्पादनाशी निगडित स्वयंसाहाय्यता गट,
शेतकरी
गट, महिला
शेतकरी गट (किमान 10 सदस्य असावेत.)
● देय अनुदान वगळता अवजारे/ उपकरणांच्या
किमतीच्या उर्वरित 50 टक्के खर्च संबंधित लाभार्थी/ गटांनी स्वतः
करावा.
● सदरची अवजारे / उपकरणे चालू स्थितीत
ठेवणे आणि त्यांची देखभाल व दुरुस्ती करण्यासंदर्भात आवश्यक तो करारनामा संबंधित
लाभार्थी/ गट/ संघ यांचेशी 100 रुपयांच्या स्टॅंप पेपरवर करून त्यांची हमी
घ्यावी.
आवश्यक कागदपत्रे
● लाभार्थ्यांचा विहित नमुन्यातील अर्ज
● 7/12, 8-अ उतारा- फलोत्पादन/ मसाला / भाजीपाला/
फूल पिके पिकाची नोंद असणे आवश्यक.
● प्रस्तावित अवजारांचे दरपत्रक.
● लाभार्थ्यांचे हमीपत्र.
● सदर अवजारांसाठी केंद्र व राज्य
शासनाच्या इतर योजनांमधून लाभ घेतला नसल्याबाबत लाभार्थ्यांचे हमीपत्र.
● मार्गदर्शक सूचनेतील प्रपत्र-1 प्रमाणे “जिअकृअ’ यांच्या बरोबर केलेला करारनामा (100 रु.च्या स्टॅम्प पेपरवर मूळ प्रतीत)
♂ लाभाचे स्वरूप असे : या अंतर्गत शेतकरी,
उत्पादक
संघ तसेच सार्वजनिक क्षेत्रातील संस्थांना अवजारे, उपकरणे व संयंत्रे अनुदानावर उपलब्ध
करून दिली जातात.
या ठिकाणी संपर्क साधावा :
मंडळ कृषी अधिकारी, पंचायत समिती कार्यालय
(टीप : वरील योजनेच्या नियमात किंवा आणखी काही बाबींमध्ये बदल असू शकतात. वाचकांच्या माहितीकरिता सदर माहिती संकलित करण्यात आली आहे. तरी काही त्रुटी वाटल्यास वाचकांनी पुनश्च एकवार खात्री करून घ्यावी.)
